АҚШ-та ұшақтың тұраққа құлаған сәті видеоға түсірілді

АҚШ-тың Орегон штатында ұшақ көлік тұрағына құлады, салдарынан бір адам қайтыс болды, - деп хабарлайды Kaz.tengritravel.kz тілшісі.

Орегон штатының Медфорд қаласында автосалон маңындағы тұраққа бұрандалы ұшақ құлады. Әуе кемесінің апаты видеоға түсіп қалды, оны Twitter желісіндегі @NewsWatch12 аккаунты жариялады.

Оқиға 5 желтоқсанда болған. Желідегі кадрларда ұшақтың жерге 90 градус бұрыштап құлағанын көруге болады. Бірнеше секундтан кейін құлаған жерде жарқын жарық пайда болып, көк түтін шығады.

The Oregonian мәліметінше, әуе кемесінің жалғыз жолаушысы қаза тапты. Апаттың неден болғаны әзірге жарияланбады.

Еліміздегі жəне əлемдегі жаңалықтар жайында толық мəліметті таба аласыз. Instagram-дағы Kaz.tengritravel.kz-ке қосылыңыз!