+7 (777) 001 44 99
Черногория билігі ел азаматтарының 35 пайызына мамыр айының соңына дейін, яғни туристік маусым басталғанша екпе егіп, 1 маусымнан бастап жаңа ұлттық әуекомпания рейстерін ашуды жоспарлап отыр. Бұл туралы экономикалық даму министрі Яков Милатович айтты, - деп хабарлайды Кaz.tengritravel.kz порталы.
Ол скупщина (парламент) депутаттарына билік 2019 жылғыдай туристік ағымның 60-65 пайызына қол жеткізуді, яғни Черногорияға 2,6 миллион шетелдік қонақ келіп, 14,5 миллион түн өткізген нәтижені күтетінін айтты. Ал бұған эпидемиологиялық жағдайдың жақсаруы ықпал ететінін атап өтті.
"Біз мамырдың соңына дейін тұрғындардың 30-35 пайызын вакцинациялауды жоспарлап отырмыз", - деді Милатович.
Сондай-ақ депутаттар министрден жолаушыларды қандай әуекомпания тасымалдайтынын сұрады.
"ToMontenegro 1 маусымнан бастап жаңа рейстер ашады", - деп жауап берді ол.
