Еуропаның ең қолжетімді қаласы аталды

Access City Award 2024 басты марапаты Испанияның Тенерифе аралындағы Сан-Кристобаль-де-ла-Лагуна қаласына бұйырды, - деп хабарлайды Tengritravel.kz тілшісі European Comission сайтына сілтеме жасап.

Қаланың қолжетімділікті қамтамасыз ету барысында кешенді шаралары мен мүмкіндігі шектеулі жандардың өмір сүру деңгейін жоғарылатуға талпынысы ерекше айтылады. Мысалы, барлық көлік құралдары және қалалық аялдамалар, оның ішінде трамвай желісі толықтай қолжетімді, ал қала орталығында акустикалық бағдаршамдар мен көру мүмкіндігі нашар жандарға арналған жолақтар төселген.

Екінші орында Польшаның Лодзь қаласы тұр. Үшінші орынды Францияның Сен-Кантен қаласы иеленді.

Access City Award премиясы 2010 жылдан бері табысталып келеді. Премия қолжетімділікті негізгі басымдық ретінде қоятын қалаларға беріледі.

Aviata.kz - үйіңізден немесе кеңсеңізден шықпай-ақ, әлемнің қалаған нүктесіне теміржол және әуе билеттерін кез келген бағытта онлайн режимінде табуға, брондауға және сатып алуға мүмкіндік беретін сервис.

Әуе және теміржол билеттерін сатып алуға болатын "Авиата" қосымшасын мына сілтеме бойынша жүктеуге болады.