Хорватия Босния мен Герцеговинаның жағалау сызығын айналатын көпір ашты

Босния мен Герцеговинаның жағалау сызығын айналып өтетін көпірдің арқасында Хорватия тұрғындары мен қонақтары әрдайым шекараны асып, Зегребтен Дубровникке баратын шекаралық бақылаудан өтудің қажеті жоқ, - деп хабарлайды Kaz.tengritravel.kz тілшісі The Independent сайтына сілтеме жасап.

Хорватия Босния мен Герцеговинаның жағалау сызығының 20 шақырымдық бөлігімен бөлінген елдің екі бөлігін байланыстыратын Адриатика теңізі арқылы көпір ашты.

Көпір Хорватияны оңтүстіктегі Пелешат түбегімен байланыстырады, бұл елдің ең маңызды туристік бағытына – ортағасырлық Дубровник бекіністі қаласына (ЮНЕСКО-ның қорғалатын мұра тізіміне енгізілген) қолжетімділікті жеңілдетеді.

Дубровник, фото @Pixabay 

Бұл - алты пилоны бар вантты көпір. Оның ұзындығы - шамамен 2,5 шақырым.

Бұл көпірге қажеттілік баяғыдан болған. 2017 жылы Еуроодақ 357 миллион еуро (174 091 000 000 теңге) бөлген кезде ғана тендер ойнатылды. Бұл сома 526 миллион еуро (256 504 000 000 теңге) құнының көп бөлігін өтейді. Сөйтіп 2018 жылы байқауды Қытайдың жолдар мен көпірлер корпорациясы жеңіп алды. Осылайша, көпір төрт жылда салынды.

Еліміздегі жəне əлемдегі жаңалықтар жайында толық мəліметті таба аласыз. Instagram-дағы Kaz.tengritravel.kz-ке қосылыңыз!