Сомалиде 30 жолаушысы бар ұшақ апатқа ұшырады. Видео

Jubba Airways әуекомпаниясына тиесілі жолаушылар лайнері әуежай аумағына қону кезінде апатқа ұшырады. Оқиғаның видеосы әлеуметтік желіде жарияланды. 

Апат 18 шілдеде Могадишо қаласының әуежайында болды. Оқиға салдарынан ұшақтың қанаттары қақ бөлініп, етпетімен төңкерілген. 

Сомалидің оңтүстік-батысында орналасқан Байдабо қаласынан ұшып шыққан әуекемесінің бортында 30 жолаушы болған. Алдын ала мәлімет бойынша қаза тапқандар жоқ, алайда үш адам зардап шеккен. Оқиға орнында жедел әрекет ету қызметкерлері жұмыс істеп, жарақат алғандарды ауруханаға жеткізген.