+7 (777) 001 44 99
Қазақша
Русский
English
Қазақша
Русский
English
Таңертең сағат 5-те тұру қаншалықты пайдалы? Сарапшылар бұл трендті кімдер ұстанбау керек екенін айтты, - деп хабарлайды Tengrinews.kz тілшісі HuffPost басылымына сілтеме жасап.
Қазіргі уақытта танымал болып кеткен таңғы 5-те тұру әдеті көптеген танымал адамдар мен инфлюенсерлердің өмірінде маңызды рөл атқарады. Олар таңертең ерте оянып, уақытты өздеріне арнап, алдағы күніне дайындалады. Бірақ бұл үрдіс бәріне пайдалы ма?
Психологтар мен сарапшылар әр адамға таңғы уақытта ерте тұрудың пайдасы әртүрлі екенін айтады. Кішкентай баласы барлар немесе түнімен жұмыс істейтіндер үшін мұндай әдет қиын болуы мүмкін. Сонымен қатар таңғы 5-те тұру денсаулыққа кері әсерін тигізуі мүмкін. Егер ұйқыдан уақыт үнемдеуге тырыссаңыз, оның орнына денсаулықты құртып, психологиялық күйзеліс пен депрессияға душар болуыңыз мүмкін.
Психологтар таңғы 5-те ояну әдетіне қосылмас бұрын әр адам жеке жағдайын ескеруі қажет екенін айтады.
Психолог және "Проблема выгорания" кітабының авторы Майкл Лейтердің айтуынша, орташа жағдайда адамның күні жұмыс, демалыс және ұйқыға бөлінеді.
"Бұл қарапайым теңдеу емес. Егер сіз өзіңізге жағымды нәрсе жасау үшін немесе жақсы көретін адамдармен бірге болу үшін ұйқыңыздан уақыт ұрласаңыз, физикалық және психологиялық қалпына келтіру сәтін жоғалтасыз", - дейді Лейтер.
Ұйқының маңыздылығы жөнінде сарапшы Джеймс Маас ұйықтау уақытын кемінде 7 сағат деп ұсынады. Сонымен қатар ұйқы графигін тұрақты ету маңызды. Дегенмен күніне бір рет қысқа үзіліс жасап, денені демалту да пайдалы.
Ал егер таңғы 5-те тұруды әдетке айналдырғыңыз келсе, бұл жай ғана уақыттың мәселесі емес, дұрыс ұйымдасқан ұйқы мен саналы өмір салтын сақтау маңызды екенін ескерген жөн.
