Алматыда екі автобус соқтығысып қалды - видео

Алматыда екі жолаушылар автобусы соқытысып қалды, - деп хабарлайды Tengri Auto.

Полиция мәліметінше, жол апаты бүгін сағат 12:00 шамасында Әуезов ауданында болған. Желіде оқиға орнынан түсірілген кадрлар жарияланды.

Алдын ала мәліметтер бойынша, Сүлейменов көшесімен солтүстік бағытта келе жатқан №15 автобус №66 автобуспен соқтығысқан. Бұл сәтте екінші автобус қиылыста жаяу жүргіншілерді өткізіп, Жандосов көшесіне солға қарай бұрылып жатқан.

Жол-көлік оқиғасы салдарынан бірнеше жолаушы медициналық көмекке жүгінді. Жарақаттардың сипаты туралы хабарланған жоқ.

Оқиғаның қосымша мән-жайы анықталып жатыр.