ПОДЕЛИТЬСЯ
Астанадағы көлік көп жүретін қиылыстардың бірінде қозғалыс уақытша шектеледі, - деп хабарлайды Tengri Auto елорда әкімдігіне сілтеме жасап.
Көлік және жол-көлік инфрақұрылымын дамыту басқармасы Мәңгілік Ел даңғылы мен Керей, Жәнібек хандар көшесінің қиылысында жол төсемін жөндеу жұмыстарын жүргізіп жатқанын мәлімдеді.
Жөндеу жұмыстарына байланысты 5 және 6 шілдеде бұл учаскеде қозғалыс ішінара жабылады.
Жүргізушілер мен жаяу жүргіншілерден бағыттарын алдын ала жоспарлау сұралды. Қауіпсіздікті қамтамасыз ету және қолайсыздықты азайту үшін уақытша жол белгілері мен нұсқағыштар орнатылады.
Еске салайық, бұған дейін елорда әкімдігі Ұлы Дала даңғылында жөндеу жұмыстары жүргізілетіні туралы хабарлаған болатын. Осыған байланысты 4 және 5 шілде аралығында Әл-Фараби даңғылы мен Шерхан Мұртаза көшесінің арасындағы учаскеде қозғалыс ішінара шектелді.
Пікірлерді оқу