ПОДЕЛИТЬСЯ
Қарағандыда үйлену тойы кортежі жүргізушілерді ұстаумен аяқталды. Бір топ жүргізуші қала көшелерінің бірінде жол қозғалысы ережелерін өрескел бұзып, айналадағылардың өміріне қауіп төндіре отырып, қауіпті "шоу" жасаған, - деп хабарлайды Tengri Auto.
Қарағандыда үйлену тойы кортежі жүргізушілерді ұстаумен аяқталды. Бір топ жүргізуші қала көшелерінің бірінде жол қозғалысы ережелерін өрескел бұзып, айналадағылардың өміріне қауіп төндіре отырып, қауіпті "шоу" жасаған, - деп хабарлайды Tengri Auto.
Оқиғаны жолдардағы жағдайды тәулік бойы бақылайтын Жедел басқару орталығының камералары тіркеген. Полиция мәліметінше, көлік жүргізушілері жол ережесін бұзған: қарсы бағытқа шығып, қауіпсіздік белдіктерін тақпаған, жолаушылар қозғалыс кезінде терезеден шыққан.
Қауіпті маневрлер жасалған видео жедел түрде патрульдік экипаждарға беріліп, көп ұзамай Күңгей шағынауданы маңында бес автокөлік тоқтатылған. Барлық қатысушы ұсталды.
"Жүргізушілер бірден бірнеше өрескел заңбұзушылыққа жол берген: қарсы бағытқа шығудан бастап, қарапайым қауіпсіздік талаптарын сақтамауға дейін. Оларға қатысты әкімшілік хаттамалар толтырылып, материалдар сотқа жолданды", – деп хабарлады Қарағанды облысы ПД баспасөз қызметі.
Тәртіп бұзушылардың көліктері айыппұл тұрағына қойылған. Қазіргі уақытта оларды жүргізуші куәлігінен айыру және әкімшілік қамауға алу мәселесі қарастырылып жатыр.
Полиция департаменті мұндай әрекеттердің жай ғана заңбұзушылық емес, жол қозғалысының барлық қатысушысы үшін тікелей қауіп екенін баса айтады.
Пікірлерді оқу