Алматыда Дәулеткерей көшесі ішінара жабылады

Дәулеткерей көшесінде асфальт қабатын төсеу жұмыстарына байланысты көлік қозғалысы шектеледі, - деп хабарлайды Tengri Auto.

30 мамыр сағат 06:00-ден 1 маусым сағат 06:00-ге дейін Жандосов көшесінен Әбділдин көшесіне дейінгі учаскеде қозғалыс жабылады.

"Жұмыстар қалалық энергетика және сумен жабдықтау басқармасының тапсырысы бойынша "Алматы қаласында батыс кәріз коллекторының құрылысы" жобасын іске асыру аясында жүргізіліп жатыр", - деп хабарлады әкімдік.