ПОДЕЛИТЬСЯ
Батыс Қазақстан облысында Шаған өзені арқылы өтетін көпірде қозғалыс уақытша шектеледі, - деп хабарлайды Tengri Auto.
Көпірде жөндеу және қалпына келтіру жұмыстары жүргізіледі. Шектеу Ақтөбе – Орал – Ресей Федерациясының шекарасы ("Сырым" өткізу пункті) автожолында 2026 жылғы 26 шілде сағат 5:00-ден 11:00-ге дейін енгізіледі.
Шектеу көліктің барлық түріне қатысты. Жұмыстар халықаралық маңызы бар ҚАЗ10 автожолының 247-шақырымында жүргізіледі.
Жүргізушілерден уақытша қолайсыздықтарға түсіністікпен қарау сұралады.
Бұған дейін аптаптың Қазақстанның үш облысында жолдарды зақымдағаны туралы хабарлаған болатынбыз.
Жамбыл, Павлодар және Түркістан облыстарында күннің ысуына байланысты цемент-бетон жолдарында деформациялар анықталды. Зақымдалған учаскелер туралы толығырақ біздің материалда.
Пікірлерді оқу