1. Басты
  2. Біл
  3. Бокс

Әлемнің экс-чемпионы Головкинді Майк Тайсонға теңеді

© kvedomosti.com © kvedomosti.com

Бірінші орта салмақтағы әлемнің экс-чемпионы америкалық боксшы Фернандо Варга WBA (Super), IBO, WBC және IBF тұжырымдары бойынша орта салмақтағы әлем чемпионы қазақстандық Геннадий Головкинді (36-0, 33 КО) аты аңызға айналған Майк Тайсонмен салыстырды, - деп хабарлайды Vesti.kz.

Фернандо Варганың айтуынша, Головкин қызық жекпе-жектер өткізеді және оның кездесулері жанкүйерлерді баурайды. Сондай-ақ, америкалық боксшы қазақстандық боксшылар өткізген кездесулерде Тайсонның жекпе-жектеріндегідей нокаут болатынын айтты.

"Головкинге расында да қарсылас табу қиын. GGG - мықты күш иесі. Оның әрбір жұдырығы кездесуді аяқтауы мүмкін. Головкин Тайсон сияқты жекпе-жектерді қызықты етіп өткізеді. Сен нокаут болатынын біліп тұрасың. Мен Головкинді нағыз күш деп санаймын", - деді Фернандо Варга Hustleboss.com басылымына берген сұхбатында.

Сондай-ақ, америкалық боксшы 18 наурызда өтетін жекпе-жекте Дэниэл Джейкобске қалай әрекет ету керектігін айтты. Варгас "Оскар Де Ла Хойя Феликс Тринидадпен қалай жұдырықтасты, дәл солай жұдырықтасу керек. Барынша жұдырықтасу қажет. Мен тек осыны айта аламын" деді.