Әлімханұлы WBC мен WBO титулдарын жеңіп алғаннан кейін рейтингте көтерілді

15 Сәуір, 09:21
0
Жәнібек Әлімханұлы. Фото: ©Miguel Salazar
Жәнібек Әлімханұлы. Фото: ©Miguel Salazar

Орта салмақта өнер көрсететін қазақстандық боксшы Жәнібек Әлімханұлы (6-0, 2 КО) алғашқы белбеулерін иеленгеннен кейін дивизиондағы рейтингте көтерілді, - деп хабарлайды Vesti.kz

25 жастағы Әлімханұлы Лос-Анджелестегі (Калифорния штаты, АҚШ) Staples Center аренасында өткен бокс кешінде өнер көрсеткен болатын. Оның қарсыласы мексикалық Кристиан Оливас (16-5, 13 КО) болған. Боксшылар он раунд бойы жұдырықтасып, Әлімханұлы төрешілер шешімімен жеңіске жеткен. Осылайша, ол WBC Continental Americas және WBO Global белбеулерін иеленген еді. 

Осы жеңістен соң Әлімханұлы орта салмақтағы BoxRec рейтингінде екі сатыға көтеріліп, 52-орынға тұрақтады. 

Қазақстандық боксшының еншісінде қазір алты жеңіс (екеуі нокаутпен) бар. АҚШ-тағы алғашқы жекпе-жегін 2018 жылы сәуірде өткізіп, бүгінге дейін сол елде төрт рет жұдырықтасты. 

Айта кетейік, Жәнібек Әлімханұлы америкалық Top Rank промоутерлік компаниясымен жұмыс істейді. 

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай