"Альваресті жеңген екінші боксшы мен боламын". Билли Джо Сондерс "Канелоны" жекпе-жекке шақырды

06 Қараша, 15:58
0
"Альваресті жеңген екінші боксшы мен боламын". Билли Джо Сондерс "Канелоны" жекпе-жекке шақырды -

Екінші орта салмақта WBO чемпионы ұлыбританиялық Билли Джо Сондерс (28-0, 13 KO) мексикалық Сауль "Канело" Альвареспен (53-1-1, 36 КО) жұдырықтасқысы келетінін айтты, - деп хабарлайды Boxingscene.com.

Бұл жекпе-жек үшін Сондерс екі дивизион жоғары көтерілуге дайын. Дегенмен бұған дейін британиялыққа 9 қараша Лос-Анджелесте аргентиналық Марсело Эстебан Косерестен (28-0-1, 15 KO) белбеуін қорғау керек. Бұл оның АҚШ-тағы алғашқы жекпе-жегі.

"Маған "Канело" керек. Бәрі оны мықты деп қоймайды. Флойд Мейвезер оны жеңген жалғыз боксшы, ал мен екінші болатынымды білемін. Бұл ауыр сынақ, бірақ, екеуміздің жолымыз қиылысарын білемін.

Жартылай ауыр салмаққа өтіп, міндетті қарсылас болуға дайынмын. Ол кезде Альварес менімен жұдырықтасуы керек болады немесе белбеуді босатады. Маған әділ шарттар қойыңыз, сонда мен оны жеңемін. Мен дайынмын, маған жақсы жекпе-жектер керек", - дейді Сондерс.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай