1. Басты
  2. Біл
  3. Спорт
  4. Бокс

Америкалық журналист Головкиннің АҚШ-тағы танымалдығына таңғалды02 маусым 2017, 09:23

SportRadio 610 журналисі әрі продюсері Брайн Макдональд қазақстандық боксшы Геннадий Головкиннің АҚШ-тағы танымалдығына таңғалды, - деп хабарлайды Vesti.kz.

"Төрт жыл бұрын ешкім білмеген қазақстандық жігіт НБА ареналарымен бірдей ареналарда көп адам жинады, Jordan компаниясымен келісімшарт жасасты және бокстағы ең табысты жекпе-жек өткізді. Crazy", - деп жазды Макдональд Twitter желісінде. Кейін бұл жазбаны GGG промоутері Том Леффлер бөлісті. 

35 жастағы Головкин АҚШ-та 2010 жылдан бері рингке шыға бастады. Содан бері ол 10 жекпе-жек өткізді. Нью-Йорк пен Лос-Анджелесте жекпе-жек ұйымдастырды. Қыркүйекте Головкин мексикалық Сауль "Канело" Альвареспен (49-1-1, 34 КО) жұдырықтасады.