Әмір Хан: GGG - "Канеломен" жекпе-жекте фаворит

25 Қаңтар 2016, 10:01
0
Әмір Хан: GGG - "Канеломен" жекпе-жекте фаворит - © © vk.com/ggolovkin
© © vk.com/ggolovkin

Ағылшын боксшысы Әмір Хан орта салмақта WBA (Super), IBO, IBF және WBC (Interim) тұжырымында әлем чемпионы қазақстандық Геннадий Головкинді Сауль "Канело" Альвареспен жекпе-жекте фаворит деп атады, - деп хабарлайды Vesti.kz.

"Меніңше, GGG - "Канеломен" жекпе-жекте фаворит. GGG - рингте нағыз жыртқыш - екі қолымен де күшті соққылар жасайды, комбинациялары да мығым. Біз оның 100 пайыз мүмкіндігін әлі көрмедік деп ойлаймын. Оның әуесқой мансап жолы керемет болды, мен сияқты Олимпиада да күміс медаль жеңіп алды. Біз оның мүмкіндіктерін білмейміз. Оған сынақ керек, "Канело" сол сынақ бола алуы тиіс", - деді Хан.

Геннадий Головкин - Сауль Альварес жекпе-жегі биыл өтуі тиіс. Бұл кездесу 2016 жылғы ТОП-10 жекпе-жектерінің көшін бастады. 

Еске салайық, Головкин келесі жекпе-жегін 23 сәуірде АҚШ-та өткізуді жоспарлап отыр. Оған IBF титулына міндетті үміткер, багам боксшысы Туреано Джонсон қарсылас болуы керек, бірақ ол жарақат алып, жекпе-жектен бас тартты. Нәтижесінде қазақстандық боксшының келесі қарсыласының кім екендігі белгісіз қалып отыр. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай