1. Басты
  2. Біл
  3. Спорт
  4. Бокс

Батыр Жүкембаев соңғы жекпе-жегі үшін қанша гонорар алды?27 қыркүйек 2019, 15:44

Бірінші орта салмақта өнер көрсететін қазақстандық кәсіпқой Батыр Жүкембаев мексикалық Мигель Васкеспен титулды жекпе-жегіндегі жеңіс үшін 43 мың доллар алды, - деп хабарлайды Vesti.kz боксшының командасына жақын мәлімет көзіне сілтеме жасап.

Бұл жекпе-жек Монреальда өткен бокс кешінің басты оқиғасы болды. Бұл кездесуге WBA Continental және IBF Inter-Continental аймақтық белбеулері сарапқа салынды.

Джукембаев - Васкес жекпе-жегі толық он раунд өтіп, қазақ боксшы төрешілердің бірауыздан шыққан шешімімен жеңді.

Осылайша, 28 жастағы Жүкембаев карьерасында жеңілмеген боксшы болып қалды - ол барлық 17 жекпе-жегінде жеңіске жетті (13 нокаут), ал 32 жастағы Васкес тоғызыншы рет жеңілді, сонымен бірге, мексикалықтың 41 жеңісі бар (15 нокаут).