Геннадий Головкин мен Сауль Альварес ешқашан жұдырықтаспайды - Серхио Мартинес

28 Желтоқсан 2015, 11:22
0
Геннадий Головкин мен Сауль Альварес ешқашан жұдырықтаспайды - Серхио Мартинес - © youtube.com
© youtube.com

Орта салмақта WBC және WBO тұжырымдары бойынша әлемнің экс-чемпионы Серхио Мартинес Геннадий Головкин мен Сауль Альварес арасындағы жекпе-жектің ешқашан болмайтынын мәлімдеді, - деп хабарлайды Massaget.kz.

"Менің ойымша, "Канело" мен Головкин арасындағы жекпе-жек ешқашан болмайды. Болмаса қазақстандық боксшы қандай да бір әлсіздік кезеңіне жеткенде ұйымдастырылуы мүмкін. "Канело" - мықты боксшы, алайда Головкин бұл салмақтағы талассыз бірден-бір үздік. Сондықтан да бұл жекпе-жек өтпейді деп ойлаймын", - деді аргентиналық боксшы.

Айта кетейік, WBC қос боксшының кездесуін міндеттеген болатын. Кейіннен екі боксшы да өзара жұдырықтасар алдында бір-бір жекпе-жек өткізіп алуға келіскен еді. Боксшылардың командасы мамыр айының соңына дейін бір-бірімен келіссөздер жүргізіп, кездесу уақытын белгілеулері тиіс. Алдын ала болжанғандай, Головкин мен Альварес арасындағы шаршы алаңдағы шайқас 2016 жылдың қыркүйек айында өтуі мүмкін.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай