Геннадий Головкин соққы күші бойынша Мигель Коттодан асып түсті

25 Наурыз 2015, 18:34
0
Геннадий Головкин соққы күші бойынша Мигель Коттодан асып түсті - ©Desdeerling.com
©Desdeerling.com

Орта салмақта WBA (Super), IBO және WBC (Interim) тұжырымдары бойынша әлем чемпионы Геннадий Головкин (32-0 29 КО) осы салмақтағы WBC тұжырымының чемпионы Мигель Коттодан (39-4, 32 КО) соққы күші бойынша асып түсті, - деп хабарлайды Vesti.kz.

Бұған дейін екі боксшы Nacion ESPN студиясында болып, ондағылар боксшыларға арнайы автомат арқылы соққы күшін өлшеуді ұсынған болатын. Геннадий Головкиннің соққысынан кейін күш өлшейтін құрал 776 деген көрсеткішті көрсетсе, Мигель Коттоның соққысы - 774.  

Айта кетейік, Геннадий Головкин Пуэрто-Рико боксшысының иелігіндегі WBC тұжырымының міндетті үміткері саналады. Бірақ Дүниежүзілік бокс кеңесі (WBC) Мигель Коттоға Головкиннен бұрын қалауы бойынша кездесу өткізуге рұқсат берді. 

Еске сала кетейік, Геннадий Головкиннің келесі жекпе-жегі 16 мамыр күні Лос-Анджелес қаласында өтеді. Жерлесіміздің бұл жолғы қарсыласы Boxcino 2014 турнирінің орта салмақтағы жеңімпазы - кіші Вилли Монро.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай