1. Басты
  2. Біл
  3. Спорт
  4. Бокс

Головкин-Альварес жекпе-жегі "Канелоның" командасына байланысты - Том Леффлер

© Ringtalk.com © Ringtalk.com

Промоутер Том Леффлер Головкин-Альварес жекпе-жегін көктемде өткізу туралы пікірін айтты, - деп хабарлайды Vesti.kz.

Айта кетейік, Билли Джо Сондерс Головкинмен жұдырықтасудан бас тартқандықтан, қазақстандық боксшының қарсыласы Туреано Джонсон болады деп жоспарланған еді. Дегенмен Джонсон жарақат алуына байланысты Головкинге қарсы жекпе-жекке өткізе алмайтын болды. Сондықтан да қазақстандық боксшы алдағы кездесуіне қарсылас іздеп жатыр.

Альварес болса келесі кездесуін 7 мамырға белгіледі. Дегенмен ол да әзірше қарсылас таппады. Леффлердің айтуынша, Альварестің Головкинмен мамыр айында жекпе-жек өткізуі өте маңызды. "Бірақ бұл "Канело" мен Golden Boy командасының шешіміне байланысты болып отыр", - деді қазақстандық боксшының промоутері.