+7 (777) 001 44 99
ПОДЕЛИТЬСЯ
Бүкіләлемдік бокс ұйымы (WBO) орта салмақта бұрынығы чемпион ұлыбританиялық Билли Джо Сондерсті (26-0, 19 КО) шеттеткені туралы ақпаратты растады, - деп хабарлайды Vesti.kz.
Бүкіләлемдік бокс ұйымы (WBO) орта салмақта бұрынығы чемпион ұлыбританиялық Билли Джо Сондерсті (26-0, 19 КО) шеттеткені туралы ақпаратты растады, - деп хабарлайды Vesti.kz.
ТalkSPORT журналисі Майкл Бенсонның мәліметінше, Сондерс жарты жылға шеттелді. Осы уақыт аралығында ол WBO рейтингінен шығарылады және оған шеттету аяқталған соң үш айдан кейін ғана қосылады.
Айта кетейік, осы күндері Панама-Ситиде WBO ұйымының жыл сайынғы конвенциясы өтіп жатыр.
Еске салайық, Сондерс қыркүйек айының соңында допингпен ұсталған болатын. Осыдан кейін ол Деметриус Андрадемен (26-0, 16 КО) жекпе-жек өткізе алмай, чемпиондық белбеуден айырылды. Белбеу намибиялық боксшыны жеңген Андрадеге өтті.
Сондерс WBO белбеуіне 2015 жылы ирландиялық Энди Лиді (35-3-1, 24 КО) жеңген соң ие болған еді. Сонымен бірге, ол бірнеше рет қазақстандық Геннадий Головкинмен (38-1-1, 34 КО) жекпе-жек өткізуге тырысқан болатын.
