"Головкинмен жұдырықтасуға тыйым салғаны үшін рақмет!" - WBO чемпионы

14 Мамыр 2018, 09:37
0
"Головкинмен жұдырықтасуға тыйым салғаны үшін рақмет!" - WBO чемпионы - Хайме Мунгуйя (сол жақта) және Садам Али. © HBO Boxing
Хайме Мунгуйя (сол жақта) және Садам Али. © HBO Boxing

Мексикалық Хайме Мунгуйя (29-0, 25 КО) америкалық Садам Алиды (26-2, 4 КО) нокаутпен жеңгеннен кейін Невада штатының Атлеттер комиссиясына (NSAC) үндеу жариялады, - деп хабарлайды BoxingScene.

Таяуда 21 жастағы Мунгуйя қарсыласы Алиды төртінші раундта құлатып, бірінші орта салмақтағы WBO тұжырымы бойынша әлем чемпионы титулын жеңіп алды. Бастапқы раундтардың өзінде мексикалық қарсыласын екі рет нокдаунға жіберді.

Осыған дейін, Хайме Мунгуйя Головкинмен жекпе-жекке шығуы тиіс болған Сауль "Канело" Альваресті (49-1-2, 34 КО) алмастыруы мүмкін екені айтылған еді. Алайда NSAC олардың жекпе-жегіне рұқсат бермеді, себебі GGG қарсыласының 12 раундтық жекпе-жек тәжірибесі болмаған.

5 мамырда Головкин америкалық Ванес Мартиросянмен (36-3-1, 21 КО) жекпе-жекке шығып екінші раундта нокаутқа түсірді.

"Бұл мен үшін үлкен жеңіс, - дейді Мунгуйя Алимен өткен кездесуі жайлы. - Менің арманым орындалды. Әрбір боксшы осыны армандайды. Головкинмен жұдырықтасуға тыйым салып, осы жекпе-жектің өтуіне ықпалын тигізген NSAC ұйымына алғысым шексіз. Мен өзімді жоғарғы деңгейдегі боксшылармен шаршы алаңда кездесуге дайын екенімді көрсеттім".

29 жастағы Али WBO титілын бірінші рет қорғаған еді. Бұл белбеуді ол 12 желтоқсанда Мигель Коттоның (41-6, 33 КО) бокстан кету кешінде жеңген еді.

Получить короткую ссылку

Тегтер:

  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай