11 мамыр 2017 16:04

Головкиннен аумайтын жігіт: GGG сияқты мықтыларға еліктеу керек

ПОДЕЛИТЬСЯ

Руслан Оспанов. Руслан Оспанов.

Қазақстандық боксшы Геннадий Головкинге ұқсайтын жігіт Өскемен қаласының 24 жастағы тұрғыны Руслан Оспанов екені анықталды. Руслан өзінің әлем чемпионына ұқсайтыны жеке өмірде қалай әсер еткенін айтып берді, - деп хабарлайды Vesti.kz.


Қазақстандық боксшы Геннадий Головкинге ұқсайтын жігіт Өскемен қаласының 24 жастағы тұрғыны Руслан Оспанов екені анықталды. Руслан өзінің әлем чемпионына ұқсайтыны жеке өмірде қалай әсер еткенін айтып берді, - деп хабарлайды Vesti.kz.

"Екі жыл бұрын Астанаға келдім. Сол кезден бастап адамдар Головкинге ұқсайтынымды айта бастады. Таныстарым мен әріптестерім ұқсастығымды айтып жүрді. Кей кездері автобуста немесе көшеде адамдар келіп Головкинмен туыстық қарым-қатынасымның бар-жоғын сұрайды. Менің бойым да салмағым да онымен бірдей. Адамдар мен күлген кезде оған қатты ұқсап кететінімді айтады. Негізінде оның басының формасы басқа және кейбір кескіндеріміз де әр түрлі. Мінезім қарапайым, Гена секілді жымиып жүремін әрдайым", - дейді Оспанов. 

Сонымен қатар, Руслан Оспанов өзінің күнделікті өмірі жайлы айтып берді. 

"Менің өмірім басқа да қарапайым адамдардан айырмашылығы жоқ. Өскеменде тұрамын. Программист болып қызмет етемін. Сүйген қызым бар. Головкинге ұқсастығыма жақсы пікірдемін. Оның барлық жекпе-жегін үзбей көремін. Ол қарсыластарын салқынқанды түрде қирататынына тәнтімін. Биыл оның "Канеломен" шыққан жекпе-жегін көргім келеді. Менің ойымша, ол жеңіске жетеді. Мен онымен қаншалықты ұқсас екенімді көру үшін бетпе-бет жүздескім келеді. Ол - мықты, сол себепті оған еліктеу керек", - деді ол. 

Головкинге ұқсайтын жігіт өзінің еш уақытта бокспен шұғылданбағанын айтады, бірақ төрт жасынан бастап әскери самбомен айналысады екен. 

Осыған дейін әлеуметтік желілерде қазақстандық боксшы Геннадий Головкинге ұқсайтын ер адамның видеосы таралды. Instagram желісіндегі ztb_video парақшасында жарияланған видео бір тәуліктің ішінде 163 мың рет қаралған. "Автобустан Головкинді кездестіріп қалдым", - деп жазады ролик авторы.

Пікір білдіргендер Руслан мен Геннадийдің қатты ұқсайтынын айтып жатса, кейбіреулер ешқандай да сәйкестік көрмегенін жазып жатыр.

Читайте также
Join Telegram

Валюта бағамы

 448.12   483   4.85 

 

Ауа райы

 

Редакция Жарнама
Социальные сети