Головкиннің бапкері Монро кішіге ақылын айтты

14 Мамыр 2015, 09:51
0
Абель Санчес пен Геннадий Головкин. © boxingscene.com
Абель Санчес пен Геннадий Головкин. © boxingscene.com

WBA (Super), WBС (Interim) және IBO нұсқалары бойынша әлем чемпионы Геннадий Головкиннің бапкері Абель Санчес америкалық Вилли Монро кішіге қазақстандықпен қалай жұдырықтасу туралы кеңес берді, - деп хабарлайды Vesti.kz.

"Монроға айтарым, әдеттегідей арқанға асылып тұрмасын. Ол арқанды жағалап жүргенді жақсы көреді, сөйтіп қарсыласының соққы беруіне жол ашады және меніңше, бұл - қателік. Мен болсам рингтің қақ ортасында Геннадий маған келгенше күтіп тұрар едім, сөйтіп қарсы шабуыл қолданар едім. Бұл ол үшін жақсы мүмкіндік", - деп келтірді Fight News Санчестің сөзін.

Еске сала кетейік, боксшылар арасындағы жекпе-жек 16 мамырда Ингливудтағы The Forum аренасында өтеді. Кездесу Астана уақыты бойынша 17 мамырда таңғы сағат 08.00-де басталады. "Қазақстан" телеарнасы жекпе-жекті тікелей эфирде көрсетеді.


Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай