+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Орта салмақтағы жеңіліп көрмеген америкалық боксшы Давид "El Bandera Roja" Бенавидес (18-0, 17 КО) қазақстандық боксшы Геннадий Головинмен алғашқы рет кездескендегі әсерімен бөлісті және GGG-дің ең күшті соққысы жайлы айтып берді, - деп хабарлайды Vesti.kz сайтының қазақ бөлімі.
Орта салмақтағы жеңіліп көрмеген америкалық боксшы Давид "El Bandera Roja" Бенавидес (18-0, 17 КО) қазақстандық боксшы Геннадий Головинмен алғашқы рет кездескендегі әсерімен бөлісті және GGG-дің ең күшті соққысы жайлы айтып берді, - деп хабарлайды Vesti.kz сайтының қазақ бөлімі.
"Алғаш рет кездестіргенімде оның кім екенін білмедім. Big Bear лагеріне алғаш келуім еді, әкем мына жігітпен спаррингке шығасың деді. Мен рингке қарағаным есімде: ол дайындалып жатты да, маған өткір көзін бір тастады. Селт ете түскенім рас. 15 жасыңда Головкинмен спаррингке шығу қалай болатынын ойлап көріңіз. Ол тым күшті еді, дегенмен, шыдадым және көп нәрсе үйрендім.
Кейін мені тағы спаррингке шақырды. Головкин сияқты чемпионмен жаттығу өткізу үлкен абырой. Ол өте мықты, сол үшін көбірек ойланып, өзіне қарай шабуылдауды үйрендім. Бұл лагерьде болу керемет. Бір байқағаным, Головкин қарсы соққы жасауға ыңғайлы сәтті күтеді. Джебі ауыр. Қысқа соққылар жасап, шаршатып тастайды. Сосын оң оверхэнді ауыр тиеді. Өте қауіпті. Ал оның ең тамаша соққысы - денеге бағыттайтын сол жақ хугы. Сөзсіз мықты. Ол жоғарыға соққы жасайды, сіз қорғанамын деп қолды жоғары көтергенде, ішіңізден ұрады. Сосын ол дуалды тесіп өткісі келетіндей соғады.
Аяғымен қозғалысы да жақсы, Головкин үнемі ауыр соққы жасуға икемделеді. Ол менің жетістікке жетуіме көп көмектесті. Геннадий мықты боксшы. Айтарым осы. Біз керемет спаррнг-сессиялар өткізіп жүрміз", - дейді Бенавидес RingTV арнасына берген сұхбатында.
Айта кетейік, 20 жастағы Бенавидес қазақстандық боксшыға алдағы Дэниэл Джейкобске қарсы жекпе-жегі алдындағы жаттығуларына көмектесіп жатыр.
