"Канело" Головкинге қарсылас емес - Бақтияр Артаев

12 Маусым 2017, 14:41
0
"Канело" Головкинге қарсылас емес - Бақтияр Артаев - © Тengrinews.kz
© Тengrinews.kz

Геннадий Головкинмен бір уақытта өнер көрсетіп, Қазақстанның намысын қорғаған Олимпиада чемпионы Бақтияр Артаев Vesti.kz тілшісіне берген сұхбатында GGG мен "Канело" кездесуінің қалай аяқталатыны туралы өз ойын айтты. Оның ойынша, Альварес Головкинге төтеп бере алатындай боксшы емес.

"Головкин - Альварес ғасыр боксы, оны барлығы күтіп жүр. Мұндай жекпе-жектер күн сайын болып жатқан жоқ. Сол себепті де бұл кездесудің болатынына мен өте қуаныштымын. Таңғы алты болсын, бес болсын барлығы ұйқысын қиып, боксты тамашалайды. Ең қуантатыны, Гена - бұл кездесуде көшбасшы. Біз оның жеңіс алып келеріне сенеміз. Осы жағдай EXPO көрмесінің ашылу салтанатына PR ретінде өз үлесін қосты", - дейді Бақтияр Артаев.

Оның ойынша, қызыққа толы кеш болады. Себебі екі мықты боксшы жұдырықтасады. 

Менің ойымша бастапқы үш раунд қызықсыз болады. Олар бірін-бірі зерттеп, тәуекелге бармайды. Үшінші раундтан соң ашық соғыс кетеді, бұл жерде Гена бокс кешінің тағдырын шешіп тастауы да мүмкін. Альварес Головкинге төтеп бере алатындай боксшы емес. Джейкобс Головкин үшін ыңғайсыз қарсылас болды, ол жылдам болды. Сонымен қатар, Гена ол жекпе-жекке аса қатты дайындалмаған секілді, себебі ол тез жеңіп шығар еді. Ол үшінші раундта нокдаун болған сәтте барлығын шешіп тастайтын еді, бірақ менің ойымша ол қарсыласын дұрыс бағаламаған секілді. Жалпы сол жекпе-жек өте жақсы өтті. Джейкобстың бойы да салмағы да жоғары болды. Ал Альвареске келер болсақ, Гена одан ірірек, күштірек әрі мықтырақ. Ашық жекпе-жек басталған сәтте алтыншы мен тоғызыншы раундтар арасында Гена осы кездесудің тағдырын шешеді. Бірнеше нокдаун болары сөзсіз", - дейді Олимпиада чемпионы.

Көптеген мамандар Головкиннің әуесқой бокста көп жұдырықтасқанын жақсы тәжірибе деп айтады. Олимпиада ойындарының чемпионының ойынша бұл олай емес. "Мен Альварестің осыдан төрт жыл бұрын қандай болғанын білемін. Қазір ол тым көп салмақ қосып алды. Бірақ ол Головкинге тұрарлық қарсылас емес. Егер Головкин Мейвезермен жекпе-жекке шықса бокстың өте қызық болатынына сенімдімін және жеңімпаз кім болатынын айта алмаймын. Себебі Мейвезер - өзін жамандыққа оңай бере қоймайтын үздік боксшылар қатарында", - дейді ол.

Айта кетейік, екі боксшы арасындағы жекпе-жек Лас-Вегаста (АҚШ, Невада) өтетіні ресми түрде жарияланды. "Канело" - Головкин жекпе-жегі 16 қыркүйек күні T-Mobile Arena аренасында өтеді.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай