1. Басты
  2. Біл
  3. Спорт
  4. Бокс

"Канело" Головкинмен трилогия өткізудің басты шартын айтты11 қазан 2019, 12:07

© bleacherreport.com © bleacherreport.com

Орта салмақта WBC (Franchise) және WBA (Super) чемпионы Сауль "Канело" Альварес (52-1-2, 35 КО) қазақстандық Геннадий Головкиннің (40-1-1, 35 КО) IBF және IBO белбеулері үшін жекпе-жекте украиналық Сергей Деревянченконы (13-2, 10 КО) жеңуіне қатысты ойын айтты, - деп хабарлайды Vesti.kz.

5 қазанда өткен жекпе-жекте қазақстандық боксшы 12 раунд қорытындысы бойынша төрешілер шешімімен жеңген еді.

"Ол баяу көрінді. Оған қандай соққылардың ауыр тиетінін көрсеткен шығармын, корпусқа соққы жасауды айтамын. Ол маған сынақ бола алмайды, бірақ ол жақсы бизнес. Егер ол шынымен жақсы ұсыныс жасаса, үшінші жекпе-жек өтуі де мүмкін", - деп келтіреді Альварестің сөзін talkSPORT журналисті Майкл Бенсон.