"Канело" қыруар ақша тауып жүр, сондықтан Головкинмен жұдырықтасуға асықпайды - Смит

24 Қаңтар 2017, 12:20
0
"Канело" қыруар ақша тауып жүр, сондықтан Головкинмен жұдырықтасуға асықпайды - Смит - © AllBoxing.ru
© AllBoxing.ru

Әлемнің бірінші орта салмақтағы экс-чемпионы ұлыбританиялық Лиам Смит бұрынғы қарсыласы Сауль "Канело" Альварес қазақстандық Геннадий Головкинмен жұдырықтасудан қашып жүргенін айтты, - деп хабарлайды Vesti.kz сайтының қазақ бөлімі. 

"Канело" жағдайын жақсартып алған уақытқа дейін Головкиннен қашады. Оның ақылды боксшы екені белгілі. Уақыт өтіп жатыр, ал Головкиннің жасына жас қосылып жатыр. "Канело" неғұрлым ұзақ күтсе, жекпе-жекте жеңіске жету мүмкіндігі соғұрлым артады. Головкин боксшы ретінде мықты, бірақ, "Канелоның" даңқы басымырақ. Қазір ол ақша тауып жүр. Сондықтан асықпайды (Головкинмен жұдырықтасуға - ред.)", - дейді Смит Behind The Gloves басылымына берген сұхбатында. 

Еске салайық, Смит және "Канело" 2016 жылы шаршы алаңда жолығып, ұлыбританиялық боксшы нокаутқа түскен болатын. Осылайша, Смит WBО белбеуінен айырылған еді. 

Мамыр айында Әмір Ханды жеңгеннен кейін "Канело" ринг маңында отырған Головкинді елдің көзінше "жұдырықтасуға" шақырған еді. Ал жекпе-жектен кейінгі баспасөз мәслихаты кезінде қазақстандық боксшымен жекпе-жек өткізуден қорықпайтынын және күз айында жұдырықтасуға дайын екенін айтқан. Алайда бірнеше күннен кейін мексикалық боксшы WBC белбеуінен бас тартып, бірінші орта салмаққа ауысып кеткен болатын.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай