1. Басты
  2. Біл
  3. Спорт
  4. Бокс

Қазақстаннан шыққан америкалық полицей Дэниэл Джейкобстың андеркартында жұдырықтасады

© boxingscene.com © boxingscene.com

Шымкент тумасы Димаш Ниязов (12-0-3, 5 КО)11 қарашада Нью-Йоркте Дэниэл Джейкобс (32-2, 29 КО) пен Луис Ариас (18-0, 9 КО) арасында өтетін бокс кешінің андеркартында жұдырықтасады, - деп хабарлайды Vesti.kz.

Көп жылдан бері АҚШ-та тұрып жатқан Ниязовтың қарсыласы әзірге белгісіз. Жекпе-жек жеңіл салмақта алты раундтан тұрады.

"Мен біраздан бері Нью-Йоркте өнер көрсетпедім. Соңғы жекпе-жектерім штаттарда өткен жоқ. Өз үйімде фанаттарымды күтемін. Барлығы менің қашан шаршы алаңға шығатынымды күтіп жүр. Джейкобстың андеркартында өнер көрсететініме қуаныштымын. Мен оны жасөспірім кезден білемін, біз Кони-Айлендте бірге жаттығу жасайтынбыз. Ол өте ауыр әрі қиын жолдардан өтті, мен онымен мақтанамын. Ол менің отандасыммен мықты жұдырықтасты", - деді Ниязов.