13 маусым 2018 10:47

"Келіспесең жолың болсын". Альварестің промоутері Головкинге ультиматум қойды

ПОДЕЛИТЬСЯ

Сауль "Канело" Альварес және Эрик Гомес. Сурет: izquierdazo.com Сауль "Канело" Альварес және Эрик Гомес. Сурет: izquierdazo.com

Мексикалық Сауль "Канело" Альварестің ісін жүргізетін Golden Boy Promotions промоутерлік компаниясының президенті Эрик Гомес қазақстандық Геннадий Головкинге қойған ультиматумға қатысты пікірін айтты.


Мексикалық Сауль "Канело" Альварестің ісін жүргізетін Golden Boy Promotions промоутерлік компаниясының президенті Эрик Гомес қазақстандық Геннадий Головкинге қойған ультиматумға қатысты пікірін айтты.

Гоместің сөзінше, олар Головкинге қыркүйекте болуы мүмкін қарымтаның кірісін бөлісу туралы соңғы ұсыныстарын айтқан. Ол шарт бойынша табыс Альварестің пайдасына 57,5-те 42,5 болып бөлінеді.

Сонымен бірге, Головкин бұл ұсынысқа белгілі мерзімде жауап беруі керек. Олай болмаса, Альварес америкалық Дэниел Джейкобспен жекпе-жек өткізу туралы келісімшартқа қол қояды. Мексикалық боксшы Лас-Вегастағы T-Mobile аренасын 15 қыркүйекке жалдап қойған.

"Бұл соңғы ұсыныс. Біз барлық кедергіден өттік, енді ешқандай ойын болмайды. Головкин түске дейін шешім қабылдасын немесе бас тартады. Бас тартса - жолы болсын. Қарымтаны өткізу үшін барымызды салып жатырмыз. Канело" бұл жекпе-жекті жанкүйерлер үшін өткізгісі келеді, сол үшін ғана жеңілдіктерге бардық. Бастапқыдағы келісім Головкинге үлестің 35 пайызын беру еді, бірақ, кейін ол 50-50 алғысы келді. Бұл күлкілі. Қарсы ұсыныс жасау үшін біз жеңілдікке баруға дайынбыз. Сейсенбіде Том Леффлерге қоңырау шалып, оларда шешім қабылдауға 24 сағат барын айттым. Әйтпесе біз Дэнни Джейкобспен жұдырықтасамыз", - дейді промоутер.

Оның сөзінше, мексикалықтың командасы бұл жекпе-жекті өткізу үшін барын жасап отыр. 

Ол Головкинмен сөйлесіп, көндіруге тырысатынын айтты. Қазір Головкинге өте үлкен қаржы ұсынылып тұр, егер ол бас тартса, мұнша ақшаны басқа жерден ешқашан көрмейді. Оскармен бұл мәселені талқыладық. Ол мұны "Канеломен" талқылады, айтарлықтай ұзақ сөйлесті. Келіссөздерді қайта бастау үшін сәуірден бері күттім. Талай рет сөз етілді. "Канело" мен Оскардың шешімі салмақты болады деген ойдамын", - деп келтіреді Гоместің сөзін ESPN.

Еске салайық, Головкин мен "Канело" арасындағы алғашқы жекпе-жек былтыр 16 қыркүйекте T-Mobile арнеасында өтіп, төрешілер шешімі бойынша тең аяқталған. Ол кезде қазақстандық түскен табыстың 30 пайызын ғана алған.

Читайте также
Join Telegram

Валюта бағамы

 448.12   483   4.85 

 

Ауа райы

 

Редакция Жарнама
Социальные сети