Маман "Канелоның" допингпен ұсталуына кім кінәлі екенін айтты

Допинг саласында қызмет ететін танымал маман Виктор Конте орта салмақтаы WBA (Super), IBO, WBC және IBF тұжырымдары бойынша әлем чемпионы Геннадий Головкинмен (37-0-1, 33 КО) өтетін кездесудің алдында допинг-сынақтан өте алмаған мексикалық боксшы Сауль "Канело" Альварестің (49-1-2, 34 КО) жағдайына байланысты пікір білдірді, - деп хабарлайды Vesti.kz тілшісі. 

"Канелоның" допинг-сынамасының оң нәтижесін берген туралы ақпарат бүгін шықты. Енді бұл жаңалықтан кейін 5 мамыр күні Лас-Вегаста өтетін Головкин мен Альварес арасындағы кездесу болмай қалуы мүмкін. Альварестің допинг-сынамасынан кленбутеролдың болмашы мөлшері табылғаны белгілі болған еді. Бұл препарат адамға бұлшықет массасын өсіруге және майды жоюға көмектеседі. Ал спорттан тыс бұл препарат жануарлардың массасын өсіруге арналған.

"Кленбутерол - адамның күшін арттыратын мықты дәрумен. Ол сөзсіз боксшыларға көмектеседі. Біз Саульдің соңғы кездесунен кейін немен айналысқанын білмейміз. Төрт ай бойы ол кез-келген нәрсені істеуі мүмкін. Міне, біз оны тексердік, содан соң Саульдің рұқсат етілмеген дәрумен қабылдағаны белгілі болды.

Бұл дәруменнің "Канелоның" қанынан тамақтан байқаусызда түсіп кетті деген нұсқа шындыққа жанасады. Бірақ ешмкі де мұны рас немесе өтірік деп кесіп айта алмайды. Ол кленбутеролды үш ай пайдалануы мүмкін. Қазір оның қанынды аз мөлшерде ғана қалып қойған. Бір жағынан ол шынымен де бұзылған ет жеп қалуы да ғажап емес. Бірақ әңгіме миллионер спортшы туралы ғой. Мен олардың орнына етті Мексикадан тапсырыс бермес едім. Бұл жайтқа оның командасы кінәлі. Боксшыны мұқият бақылау керек еді. Олар бұл істің сәтсіз аяқталып қалуы мүмкін екенін де ойланулары керек", - дейді Конте Vegas Review Journal басылымына берген сұхбатында.

Golden Boy промоутерлік компаниясы таратқан мәлімет бойынша, "Канелоның" ағзасына бұл препарат зақымдалған ет арқылы енген болуы мүмкін екені айтылады. Ал Альварестің өзі болса кінәлі емес екенін дәлелдеу үшін кез-келген тесттен өтуге дайын екенін айтты. Golden Boy Promotions промоутерлік компаниясының президенті Эрик Гомес болса мексикалық боксшы бұған дейін оншақты рет допинг-сынақтан өтіп, бірде бір рет қанынан рұқсат етілмеген дәрумен табылмағанын жеткізді.

Сонымен қатар, ESPN телеарнасының маманы және АҚШ-та ең танымал бокс шолушысы Дэн Рафаэль "Канелоның" допинг сынағанынан өте алмағаны Головкинмен 5 мамырда өтетін жекпе-жекке еш әсерін бермейтінін айтады. Оның айтуынша, конға қомақты қаражат қойылған, сол себепті жекпе-жек белгіленген уақытта қойылады.

Осы жағдайға қатысты Атлетикалық комиссия осы дерекке қатысты тергеуді бастап кетті. Головкиннің командасы мен WBC президенті Маурисио Сулейман пікір білдірген еді.

Бұл Альварестің мансабындағы бірінші жағдай. Алайда мамырда Головкинмен өтетін жекпе-жекке әсерін бермеуі де мүмкін. Бұрындары боксшылардың қан құрамынан кленбутерол шыққан күннің өзінде-ақ антидопингтік агенттіктен жекпе-жекке шығуға рұқсат алған жағдайлар болған. Соның екеуінде мексикалық боксшыларға қатысты болған.

Еске салайық, Головкин мен Альварес арасындағы екінші кездесу 5-мамыр күні Лас-Вегастағы T-Mobileв спорт кешенінде өтеді. Бұл боксшылардың жекпе-жегі кейінге қалған туралы ресми мәлімет шыққан жоқ. Олардың бірінші кездесуі де Лас-Вегаста өтіп, тең аяқталған еді.

Головкин мен "Канелоның" допинг-сынақтары VADA (Допингке ерікті түрде тексерілу ассоциациясы) тексеріп отырады. Боксшылар бұл сынақтан Бүкіләлемдік бокс кеңесінің (WBC) "Таза бокс" бағдарламасы аясында тапсырып отырады.