1. Басты
  2. Біл
  3. Спорт
  4. Бокс

"Мен - қазақпын". Головкин отандастарына алғыс айтты08 маусым 2019, 18:14

© "ВКонтакте" / @ggolovkin © "ВКонтакте" / @ggolovkin

Қазақстандық боксшы Геннадий Головкин туған елге деген сүйіспеншілікке арналған патриоттық ролик түсіріліміне қатысты, - деп хабарлайды Tengrinews.kz тілшісі.

Видеода спортшы Жұбан Молдағалиевтің "Мен - қазақпын " атты белгілі поэмасынан үзінді оқиды.

Боксшы роликті өзінің Instagram желісіндегі парақшасында жариялады. 

"Отандастарыма қолдау көрсеткендері үшін рақмет! Мен өзінімнің қайдан шыққанымды ешқашан ұмытпаймын", - деп жазған Головкин. 

Геннадий Головкин және онымен бірге балалар мен спортшы, ғалым, әскери адам, ғарышкерлер оқыған поэмадан үзінді келтіреміз.

Мен - қазақпын мың өліп, мың тірілген.
Жөргегімде таныстым мұң тілімен
Жылағанда жүрегім, күн тұтылып,
Қуанғанда күлкімнен түн түрілген.

Мен - жігітпін, айқасқа, сынға асықпын.
Жүрегі бар кеудемде шын ғашықтың.
Жанартаудай жойқынмын жұлқынғанда,
Шарықтасам, қыран боп шыңға шықтым.