+7 (777) 001 44 99
ПОДЕЛИТЬСЯ
Америкалық боксшы Дэниэл Джейкобс (32-2, 29 КО) орта салмақта WBA (Super), IBO, WBC және IBF тұжырымдары бойынша әлем чемпионы, қазақстандық боксшы Геннадий Головкинмен (37-0, 33 КО) тез арада екінші жекпе-жек өткізгісі келетінін айтты, - деп хабарлайды Vesti.kz.
Америкалық боксшы Дэниэл Джейкобс (32-2, 29 КО) орта салмақта WBA (Super), IBO, WBC және IBF тұжырымдары бойынша әлем чемпионы, қазақстандық боксшы Геннадий Головкинмен (37-0, 33 КО) тез арада екінші жекпе-жек өткізгісі келетінін айтты, - деп хабарлайды Vesti.kz.
Олардың бірінші кездесу 19 наурыз күні, Нью-Йорктегі Madison Square Garden спорт кешенінде өтіп, төрешілердің шешімі бойынша Головкин ұпай айырмасымен жеңген болатын. Бірақ жекпе-жектен кейін Джейкобс өзінің жеңісіне сенімді болғанын айтты.
"Мен тез арада Головкинмен екінші жекпе-жек өткізгім келеді. Бірақ мен шамалы күту керек екенін білемін. Өйткені, алдағы уақытта Головкиннің жоспарлары бар. Ал менің жанкүйерлерім маған қарсылас ретінде кімді көргісі келеді?", - деп жазба қалдырды боксшы өзінің твиттер парақшасында.
Айта кетейік, Головкин мен Джейкобс командалары арасындағы жасалған келісімшартта екінші жекпе-жек деген мәселе қарастырылмаған. Дегенмен жекпе-жектен кейін Головкин америкалық боксшымен екінші жекпе-жек өткізуге дайын екенін айтқан еді.
Айта кетейік, инсайдерлік ақпарат бойынша, БАҚ беттерінде Головкин - Сондерс жекпе-жегі Астанада 17 маусымда EXPO-2017 халықаралық көрмесі күндері өтетіні хабарланды. Қазақстандық боксшы мен мексикалық Сауль "Канело" Альварес арасындағы жекпе-жек қыркүйекте өтеді деп болжанады, алайда келіссөздер әлі де жүріп жатыр.
