Рой Джонс Теміртаудағы Тұңғыш Президент мұражайына қонақ болды

18 Желтоқсан 2014, 07:48
0
Рой Джонс Теміртаудағы Тұңғыш Президент мұражайына қонақ болды - Рой Джонс Теміртаудағы Тұңғыш Президент мұражайында. ©Vesti.kz
Рой Джонс Теміртаудағы Тұңғыш Президент мұражайында. ©Vesti.kz

Америкалық атақты кәсіби боксшы Рой Джонс Қазақстанға сапары барысында Теміртаудағы Тұңғыш Президент мұражайына қонақ болды, - деп хабарлайды Vesti.kz.

Онымен бірге мұражайға еліміздің Олимпиада чемпиондары Ольга Шишигина, Ермахан Ибраимов, Серік Сәпиев, Дмитрий Карпов, Сергей Котенко және бокстан ауыр салмақта әлем чемпионы Олег Маскаев барды.  

Теміртауда жастар алдында сөйлеген сөзінде Рой Джонс Қазақстанға келу мүмкіндігін жасағаны үшін алғыс айтты. "Бұл жер маған өте ұнады, Қазақстан мен Қарағандыда бола алғаным - шын мәнінде өте керемет. Бұл елдің спортқа деген қарым-қатынасы ұнайды. Досым Нұрғазы Жарылғаповтың осында, әкесі осымен отыз бірінші рет өткізіп отырған турнирге келіп қатысу туралы өтінішіне ришалығыммен келіп отырмын. Бұл жаққа тағы да келемін", - деді бұрынғы чемпион. 

Мұражайды аралап, танысып шыққан соң турнир қонақтары Қарағанды металлургия комбинатына барды.

© Vesti.kz

Бұл күні АҚШ-тан келген қонақ 17-21 желтоқсан аралығында бокстан өтетін Ғалым Жарылғапов атындағы XXXI халықаралық турнирінің ашылу салтанатына қатысты. Сонымен қатар, Рой Джонс рингте рэп орындады. Ол көрерменге өзінің үздік үш композициясын арнады.

Ұйымдастырушылар Рой Джонс пен қарағандылық ауыр салмақтағы боксшылардың қатысуымен импровизациялық жұдырықтасу жоспарлады. Серік Сәпиев, Ольга Шишигина және шараға қатысқан чемпиондар төреші болды.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай