Төртінші раундта оңбай нокаутқа түскен "Чоколатито" бокстан кетуге аз қалғанын айтты

11 Қыркүйек 2017, 13:24
0
Төртінші раундта оңбай нокаутқа түскен "Чоколатито" бокстан кетуге аз қалғанын айтты - © Mickey Bonilla, MB Sports
© Mickey Bonilla, MB Sports

Төрт салмақ дәрежесінде әлем чемпионы болған никарагуалық Роман "Чоколатито"  Гонсалес (46-2, 38 КО) La Prensa басылымына берген сұхбатында тай боксшысы Висаксил Вангектен оңбай жеңілгеннен кейін бокстан кететіні туралы жариялады, - деп хабарлайды Allboxing.ru.

Таяуда АҚШ-тың Калифорния штатындағы Карсон қаласында өткен бокс кешінде Роман Гонсалес тай боксшысы Висаксил Вангектен жеңіліп қалды. Никарагуалық боксшы төртінші раундта екі рет құлады, екіншісінде тұруға шамасы болмады. Жекпе-жектен соң Гонсалес ауруханаға жеткізілді. 

"Мен спорттық мансабымды аяқтауға жақынмын, - деді Гонсалес. - Мен барлығына қол жеткіздім. Төрт салмақ дәрежесінде чемпион атандым, отбасыммен аз уақыт өткіздім. Менің балаларым әлі кішкентай, сол себепті мен олардың жанында болуым керек. Солар шешім қабылдайды. Егер мен қандайда бір жағдайға тап болсам, олар жалғыз қалады. Мен жеңілгім келмеді. Бұл бокс... Жекпе-жекті көруге келген өз отандастарымның сенімін ақтамадым". 

Гонсалес Лос-Анжелес ауруханасында тексерістен өткеннен кейін, аса қауіпті ештеңе жоғын айтты. Ол аса жеңіл салмаққа қайта түсе алмайды екен, шаршы алаңға тек бірінші жеңіл салмақта шыға алады екен. 

Никарагуалық өз қарсыласының мықтылығын мойындады. "Ол қзіне қойылған тапсырманы толығымен орындады, оның соққысы жойқын, ары қарай оған табыс тілеймін, - деді Гонсалес. 

 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай