1. Басты
  2. Біл
  3. Экономика
  4. Жылжымайтын мүлік

Қазақстанда қанша адам мембағдарлама бойынша баспанаға кезекте тұр?

© РИА Новости © РИА Новости

Мемлекет тарапынан берілетін баспана кезегінде 450 мың қазақстандық тұр, - деп хабарлайды Tengrines.kz тілшісі. ҚР ИДМ Құрылыс және тұрғын үй-коммуналдық шаруашылық істері комитетінің төрағасы Мархабат Жайымбетов "Нұрлы жер" бағдарламасын іске асыру тақырыбындағы брифинг кезінде осындай мәлімет келтірді. 

"Әкімдіктердегі кезекте 450 мың адам тұр. 10 сотық жер алу үшін 1 миллион 300 мың адам тұр. Мемлекет жалпылай баспана сала бастаса, үй алуға кезекте солай өсіп жатыр. 450 мың адамның 25-30 пайызы мемлекет қаржыландыратын тұлғалар, мемлекеттік қызметкерлер - дәрігер, мұғалімдер. Тағы 25-30 пайыз - әлеуметтік әлсіз топтар - мүгедектігі бар жандар, зейнеткерлер, көпбалалы отбасылар", - дейді ол.