Қазақстанда тұрғын үй саудасы 5,5 пайызға өсті

15 Сәуір 2015, 17:44
0
Қазақстанда тұрғын үй саудасы 5,5 пайызға өсті - © allday.ru
© allday.ru

Қазақстанда тұрғын үй саудасы 5,5 пайызға өсті, - деп хабарлайды Tengrinews.kz тілшісі Strategy2050.kz порталына сілтеме жасап. Мұндай мәліметті ҰЭМ Статистика комитетінің төрағасы Әлихан Смайылов ОКҚ брифингі барысында хабарлады.

Смайыловтың сөзіне қарағанда, Қазақстанда тұрғын үйді сату-сатып алу мәмілелерінің саны 2015 жылдың қаңтар-наурыз айларында 5,5 пайызға өсіп, 35 209-ға жеткен. Мәмілелердің басым бөлігі Астана мен Алматыда жасалған. Ал тұрғын үйлерді пайдалануға беру 1 тоқсанда 20 пайызға көбейіп, көлемі 2 миллион 702 шаршы метрге жетті.

"Оның ішінде 1 миллион 164 мың шаршы метр - жеке пәтер болса, 836 мың шаршы метр - көп пәтерлі үйлер. Теңге көрсеткішімен есептегенде жыл басынан бері баға 1,8 пайызға көбейді. Наурыз айында баға ел бойынша 1 шаршы метріне 225 мың теңге болды. Өткен жылы теңгенің бағамына енген өзгертуді есептесек, жалпы баспанаға деген баға доллар көрсеткішінде төмендеді", - деді ол.

Оның айтуынша, теңге көрсеткішінде баспанаға деген баға Атырау қаласында қалғандарына қарағанда өскен. "Бұл жерде 3 ай ішінде баға 10 пайызға өскен. Сондай-ақ, мына аймақтарда баға көтерілді: Астана қаласында - 1 шаршы метрі 303 мың теңге, Алматы - 287 мың теңге, Атырау - 271 мың теңге. Ең төмен бағалар: Жезқазған, Тараз, Талдықорған қалаларында тіркелді, онда 1 шаршы метр 90 мың теңгеге бағаланады", - деді ол.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай