Түркістанда көпбалалы отбасыға пәтер кілті табысталды

04 Маусым, 13:53
0
Түркістанда көпбалалы отбасыға пәтер кілті табысталды -

Қасиетті рамазан айында арманы орындалған жанұяның отағасы екінші топ мүгедек. Бес баланың әкесі де анасы да жұмыссыз, - деп хабарлайды Тengrinews.kz тілшісі Түркістан облысы әкімдігінің баспасөз қызметіне сілтеме жасап. 

Қайырымды азаматтардың арқасында екінші баспана, тұл жетімге бұйырды. Түркістан облысында мұндай қуанышты жаңалық жылда жалғасын табады. Мәселен былтыр 12 көпбалалы аналар мен аз қамтылған отбасыларға пәтерлер берілген. Түркістан облысының әкімі Өмірзақ Естайұлы қайырымдылық шараларды халық арасында кеңінен насихаттап, түсіндіруіміз тиіс екенін атап өтті.

"Қазақстан мұсылмандары діни басқармасының бас мүфтиі Серікбай қажы Ораз арнайы келіп отыр. Өздеріңіз білесіздер Елбасының көрегендігі, сарабдал саясатының арқасында өзінің шешімімен осыдан бір жыл бұрын Түркістан қаласы облыс орталығы болып қайта құрылды. Сенімді ақтау үшін бәріміз жұмыла кірістік. Үкімет Түркістан туралы 5 рет қаулы қабылдады. Мұның бәрі үлкен жұмысты талап етеді. Сондықтан да бізге осындай бірлік, ынтымақ өте қажет. Елбасының тапсырмасымен бірталай әлеуметтік бастамаларды іске асырып жатырмыз. Көпбалалы аналар мен әлеуметтік жағдайы төмен отбасыларды қолдау жөнінде жұмыстар жүргізіліп жатыр. Сіздерді рамазан айымен тағы да құттықтаймын. Отбасыларыңызға амандық тілеймін", - деді облыс әкімі.

Сонымен қатар зиялы қауым өкілдері де ізгі тілектерін білдірді. Жалпы дін саласының өкілдері облыс халқының бірлігі мен ынтымағын, ауызбіршілігін нығайта түсуге, дініміздің берік, дәстүріміздің бекем болуына үлес қосатыны айқын. Қазақстан мұсылмандары діни басқармасының бас мүфтиі Нұр-Сұлтан қаласы мен Алматыдан кейін Түркістанда ауызашар беруге арнайы келді.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай