Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

Ақан Сатаевтың "Анаға апарар жол" картинасы "Евразийский мост" фестивалінде бас жүлде алды

05 Қазан 2016, 15:53
0
"Анаға апарар жол" фильмінің кадры
"Анаға апарар жол" фильмінің кадры

Режиссер Ақан Сатаевтың "Анаға апарар жол" атты картинасы Ялтада өткен "Евразийский мост" фестивалінің бас жүлдесіне ие болды, - деп хабарлайды Tengrinews.kz тілшісі. Халықаралық фестиваль биыл Қырымда алғаш өтіп отыр. Басты рөлде ойнаған Алтынай Нөгербек "Үздік әйел рөлі" аталымы бойынша жүлделі болды.

Фестивальді құру идеясы белгілі ресейлік режиссер Никита Михалковқа тиесілі. Фестивальге Ресей, Украина, Беларусь, Италия, Германия, Сербия, Қазақстан, Қытай, Оңтүстік Корея, Бельгия, Үндістан мен Армениядан кинематографистер қатысты. Конкурстық бағдарламаға 12 фильм іріктеп алынды, оның ішінде екеуі қазақстандық - Ақан Сатаевтың "Анаға апарар жол" және Нұртас Адамбайдың "Тараз" фильмі. Конкурсқа қатысушыларды үндістандық Талакаду Сринивасаях Нагабхарана басқарған халықаралық деңгейдегі қазылар сынады. 

Қазылардың арнайы жүлдесі ресейлік режиссерлер Ольга Веремеева мен Елена Давыдованың "Прикосновение ветра" атты туындысына берілді. Үздік режиссура үшін жүлдені германиялық Марин Адэ "Тони Эрдманн" атты еңбегі үшін алды. Ал үздік ер адам рөлі үшін жүлде "Венецианские львы" фильмінде ойнаған Нери Маркореге бұйырды.

Еске салайық, қазақстандық фильмнің түсіріліміне Әділ Ахметов, Алтынай Нөгербек, Аружан Жазылбекова, Берік Айтжанов пен Еркебұлан Дайыров қатысты. Қыркүйектің соңында "Еуразия" халықаралық кинофестивалі аясында Ұлттық кинематография өнері мен ғылымдарының академиясының алғашқы "Тұлпар" жүлдесі табысталды.

Айта кетейік, фильмде ойнаған Мәриям атты басты кейіпкерді сомдаған Алтынай Нөгербек өз қызына осы атты берді. Фильмге ана махабатының күші негіз болды. Оқиға отызыншы жылдардан басталып, осы күндерге дейін жалғасады. Негізгі оқиғалар қазақ халқы үшін қиын кезеңдерде: ұжымдастыру, соғыс жылдары мен соғыстан кейінгі ауыр уақытта өтеді.

Тарихи драманың түсірілімі Қазақстанда, Беларусь пен Әзірбайжанда өтті. "Днепрді алу" атты соғыс көрінісіне 500 адам мен әскери қарудың 300 данасы тартылды, сонымен бірге, каскадерлер қатысып, пиротехника қолданылды. Туынды Қазақстанда 29 қыркүйекте көрсетілімге шыққан болатын.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай