1. Басты
  2. Біл
  3. Мәдениет
  4. Кино

Джеймс Кэмерон "Аватар" фильмінің төрт бірдей жалғасын қатар түсіріп жатыр

© REUTERS © REUTERS

Режиссер Джеймс Кэмерон 2009 жылы шыққан "Аватар" фильмінің жалғасын түсіруге кірісті. Режиссер төрт фильмнің түсірілім жұмыстарын қатар бастады, - деп жазады Hi-news.ru.

Басылымның мәліметінше, "Аватар" картинасының әлі төрт фильмі шығады. Режиссер барлығын бір уақытта түсірмекші екен, бірақ олардың көрсетілу аралығы 1-3 жыл болады. Картинада осыған дейінгі актерлер Сэм Уортингтон, Зои Салдана, Джоэль Мур, Сигурни Уивер мен тағы басқалары болады. Сондай-ақ, фильмге "Тақтар ойыны" сериалының актерлері Клифф Кертис пен Уна Чаплин түседі.

Kinopoisk.ru мәліметінше, түсірілім жұмыстары Калифорния штаты Манхэттен-Бич қаласында басталды. Фильмнің бюджеті - 1 миллиард доллар. "Аватар 2"  кинотеатрлардан 2020 жылдың 18 желтоқсанында, "Аватар 3" 2021 жылдың 17 желтоқсанында, "Аватар 4" 2024 жылдың 20 желтоқсанында, ал "Аватар 5" 2025 жылдың 19 желтоқсанында кинотеатрлардан көрсетіледі.

Қазақстанда күн суытады