Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 333.08
EUR / KZT - 391.50
CNY / KZT - 50.00
RUB / KZT - 5.64

Робин Уильямс қате диагноз қойылғандықтан асылып өлген болуы мүмкін

01 Шілде 2015, 16:45
0
Робин Уильямс. © REUTERS
Робин Уильямс. © REUTERS

Актер Робин Уильямс өзіне қате диагноз қойылғандықтан асылып өлген болуы мүмкін, - деп хабарлайды Radar Online.

Тілшілердің қолына сот медициналық зерттеу сарапшыларының қорытындысы түскен. Зерттеу Робин Уильямстың өліміне асфиксия себеп болғанын көрсетті. Айта кетейік, актер өзінің жатын бөлмесінде тұрған есік тұтқасына асылып өлген еді. Алайда жүйке жүйесін емдейтін дәрігердің есебіне қатысты біршама сұрақтар пайда болды.

Басылымның мәліметінше, Робин Уильямс ауруы когнитивті функциялардың ұзақ мерзімді істен шығуы, есте сақтау қабілетінің, сөйлеудің және ойлаудың үдемелі түрде бұзылуы деп сипатталады. Дәрігерлер оны треморға, күйзеліске, мазасыздыққа және бірқатар когнитив бұзылымына душар болған деп қорытты. Аурудың бұл белгілері Паркинсон ауруынан да, Леви ауруынан да табылады. Соңғы ауру көбінде Альцгеймер ауруымен шатастырылады екен. 

2014 жылы Робин Уильямс Паркинсон ауруына қарсы ем-дом ала бастады, алайда оның жағдайы түзелмеді. Сол кезде ол "Леводопа" дәрісін қабылдай бастайды. Ал бұл дәріні ішкен адамға, басылым мәліметінше, суицид жасау туралы ойлар келе бастайды.

"Егер Робин Уильямс тірі болғанда өзіне қате диагноздың қойылғаны белгілі болса, ол өзін-өзі өлтіруге дейін барар ма еді? Бүгін, қайғылы оқиға болғаннан кейін бір жыл өткенде жауабы жоқ сұрақтар көбейді", - деп жазады басылым.

Еске салайық, танымал актер Робин Уильямс 11 тамызда Калифорния штатындағы өз үйінде өлі күйінде табылған болатын. Актердің қолында пышақ іздері табылған.

 

Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай