7 маусымда Ақтөбеде атыс болған жоқ - ҚР ІІМ

07 Маусым 2016, 15:36
0
7 маусымда Ақтөбеде атыс болған жоқ - ҚР ІІМ - © Tengrinews.kz
© Tengrinews.kz

ҚР ІІМ бүгін, 7 маусымда Ақтөбеде атыс болғаны туралы ақпаратты жоққа шығарды, - деп хабарлайды Tengrinews.kz тілшісі. "Мен мұны жоққа шығарамын", - деді ҚР ІІМ  ресми өкілі Алмас Сәдубаев Ақтөбедегі 8-ші ықшамауданда атыс болғаны туралы әлеуметтік желілерде пайда болған ақпарат туралы сұраққа жауап бере отырып.

Редакциямызға Ақтөбе тұрғындары хабарласып, № 27 мектептің маңынан атыстың дауысы шығып жатқанын айтқан болатын. Дегенмен, оқиға орнына жеткен журналистер мектеп маңында тыныштық екенін анықтады.

Биыл 5 маусымда Ақтөбеде теракт болған еді, оның салдарынан ондаған адам қаза тапты. Қазақстанда террорлық қауіптің сары деңгейі, ал Ақтөбеде қызыл деңгейі енгізілді.

"Өкінішке қарай, қару сататын дүкенге жасалған шабуыл кезінде 3 адам қаза тауып, екеуі жарақат алды. Қарулы қылмыскерлердің әрекетінің алдын алу кезінде ішкі істер органының 5 қызметкері жарақат алды. Ұлттық ұланның үш қызметкері қаза тауып, алтауы жарақат алды. Ақтөбедегі жағдай бақылауға алынды", - деді ҚР ІІМ өкілі бұған дейін.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай