Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.58
EUR / KZT - 390.38
CNY / KZT - 49.85
RUB / KZT - 5.63

Ақтауда өз әйелін өлтірген ер адам 10 жылға сотталды

29 Қыркүйек 2016, 12:19
0

Ақтауда әйелін өлтірген ер адам 10 жылға сотталды, - деп хабарлайды Lada.kz.

Қаладағы дәмханалардың бірінде болған отбасылық жанжал кезінде ер адам әйелін бірнеше рет пышақтаған. Әйел оқиға орнында қаза тапты. Маңғыстау облыстық сот 39 жастағы ер адамның дәмханадағы асүйдің жұмысшысы болып істейтін әйелімен сөйлесу үшін келгенін анықтады. Содан ерлі-зайыптылардың арасында жанжал туып, ер адам оны бірнеше рет пышақтаған. Әйел көп қан жоғалтқандықтан, дәрігерлер келгенше қайтыс болған.

Сот отырысы барысында сотталушы өз кінәсін толықтай мойындады. Сотталушының айтуынша, ол әйелімен 2000 жылдан бері бірге тұрады. Отбасында үш бала бар. Сондай-ақ, ер адамның айтуынша, соңғы кездері әйелі оның көзіне шөп салып, ажырасқысы келген. Ер адам болса оны райынан қайтармақ болған. Алайда әйелі айтқанынан қайтпаған. Сотталушы ашуланғандықтан әйелін пышақтағанын айтып отыр.

Ал қайтыс болған әйелдің анасы сотталушыға қатысты ең қатаң жазаны, яғни 15 жылға дейін қамауға алуын сұрайды.

Сондай-ақ, сот ер адамның II топтағы мүгедек екенін және оның бұл іске барғанына өкініп отырғанын ескерді. Сот оны 10 жылға дейін бас бостандығынан айыру туралы үкім шығарды. Сотталушы жазасын қатаң режимдегі колонияда өтейтін болады.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай