Ақтөбе облысында араққа мас ауыл әкімі қызметкерін балағаттаған

20 Қараша 2015, 11:40
0
Ақтөбе облысында араққа мас ауыл әкімі қызметкерін балағаттаған - © kerek-info.kz
© kerek-info.kz

Ақтөбе облысында ауыл әкімі қызметкерін тілдегені үшін заң алдында жауапқа тартылды. 29 жастағы жігіт енді мемлекетке 20 мың теңгеге жуық айыппұл төлейді, - деп хабарлайды Керек.info басылымы.

Оқиға 3 қараша күні түсте Қобда ауданы Жаңаталап ауылында болған. Әкімшілік ғимаратына мас күйінде келген әкім ауылдасын еш себепсіз балағаттаған. "Қоғамдық орында жұрттың көзінше ар-намысымды қорлады" деген әйел сотқа жүгінеді. Аудандық сот жоғары білімді шенеунікті айыппұл төлеуге міндеттеді. Ол енді мемлекетке 19 мың 820 теңге айыппұл төлеуі тиіс.

Судья Әбітхан Анарбаевтың айтуынша, шағымданушы әйел 39 жаста. Мекемеде курьер болып жұмыс істеген.
Жаңаталап ауылдық әкімдігіндегі қызметкерлердің айтуынша, жас әкімнің жұмыс істегеніне 3 жыл болған. Ол небәрі 26 жасында лауазымды қызметке тағайындалыпты. Қазір әкімнің міндетін бас маман Нұржауған Жұмашева атқарып жүр. Ұсақ бұзақылық жасаған әкім қызметтен кеткен. Қобда ауданының әкімдігі бұл жайттан хабарсыз болып шықты. Әкім орынбасары Бұлбұл Елеусінованың айтуынша, шенеунік денсаулығына байланысты өз еркімен жұмыстан шықты.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай