Алматы әуежайында суық қару контрабандасы әшкереленді

02 Сәуір 2014, 15:01
0
Алматы әуежайында суық қару контрабандасы әшкереленді - ©Алматы қаласы бойынша кедендік бақылау департаментінің баспасөз қызметі
©Алматы қаласы бойынша кедендік бақылау департаментінің баспасөз қызметі
Алматы әуежайында суық қару контрабандасы әшкереленді - ©Алматы қаласы бойынша кедендік бақылау департаментінің баспасөз қызметі
©Алматы қаласы бойынша кедендік бақылау департаментінің баспасөз қызметі

Алматы қаласы бойынша кедендік бақылау департаментінің қызметкерлері суық қару контрабандасының жолын кесті деп хабарлайды Тengrinews.kz тілшісі департаменттің баспасөз қызметіне сілтеме жасап.

"2014 жылдың 31 наурызында Алматы халықаралық әуежайында "Жетісу" кеден бекетінің қызметкерлері Душанбе - Алматы әуе рейсіне кедендік бақылау жүргізу барысында Тәжікстан Республикасының азаматын құрықтады. Ұсталған күдіктінің жүгіне тексеру амалдарын жүргізу барысында кеден органында декларацияланбаған көлемі әр түрлі үш дана суық қару тәркіленген", - делінген хабарламада.

Кедендік бақылау департаменті бұл оқиғада ҚР Қылмыстық кодексінің 251-бабының ("Қаруды, оқ-дәрiлердi, жарылғыш заттарды және жарылғыш құрылғыларды заңсыз сатып алу, беру, өткiзу, сақтау, тасымалдау немесе алып жүру") 4 тармағы бойынша қылмыстық істің белгілері бар деп отыр, қазіргі уақытта тергеу жұмыстары жүргізіліп жатыр.

Еске сала кетейік, наурыз айының соңында Қырғызстан шекарашылары елге суық қару партиясын заңсыз алып өткен Қазақстан азаматшасын ұстаған болатын. Әйелдің қол жүгінің арасынан M-16 винтовкасына арналған 20 сүңгі пышақ, 30 әскери пышақ, оқ қағатын кеудеше, арнайы жасақ өкілдеріне арналған бетперде табылған. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай