1. Басты
  2. Біл
  3. Оқиға
  4. Қылмыс

Алматы қонақүйінде баланы өлтіру ісі. Ұлыбритания азаматы қамауға алынды

Алматы соты қаладағы InterContinental қонақүйінде бір жарым жасар сәбиді өлтірді деген күдікпен шетел азаматына бұлтартпау шарасын таңдады, - деп хабарлайды Tengrinews.kz тілшісі. 

Күдікті Ұлыбритания азаматы екені белгілі болды. Болжаммен, ол өз қызын өлімші етіп ұрып-соққан. Ол екі айға қамауға алынды. 

"26 қазанда сот санкциясымен күдікті екі айға қамалды. Ұлыбритания азаматы ҚР Қылмыстық кодексінің 99-бабы 2-бөлігі 3-тармағы ("Адам өлтіру, кінәлі адамға дәрменсiз күйде екенi көрінеу белгiлi адамды, сол сияқты адамды ұрлаумен не кепілге алумен ұштасқан") бойынша күдікке ілінді", - делінген Алматы қалалық сотының хабарламасында. 

Айта кетейік, 24 қазанда таңғы уақытта әкесі бір жарым жастағы қызын өлімші етіп ұрып-соққан. Басында ер адамның баланы қылғындырғаны айтылды.