Алматы облысында екі ер адам ірі көлемді есірткі заттарымен ұсталды

28 Ақпан 2016, 20:51
0
Алматы облысында екі ер адам ірі көлемді есірткі заттарымен ұсталды -

Алматы облысында екі ер адам ірі көлемді есірткі заттарымен ұсталды, - деп хабарлайды Tengrinews.kz тілшісі облыстық ІІД баспасөз қызметіне сілтеме жасап.

Баспасөз қызметінің мәліметінше, есірткі заттары "Алматы-Бішкек" автожолының 59-шақырымында орналасқан бақылау бекетінде табылды. Полицейлер жалпы салмағы 22 келіден асатын есірткі заттарын тәркіледі.

"Есірткі заттары жалпы тексеру кезінде Lada Priora автокөлігінен табылды. 22 келіден асатын гашиш пен 5 грамм марихуана автокөліктің жүксалғышына жасырылған. Күдікті ретінде 26 жастағы жүргізуші мен 31 жастағы жолаушы ұсталды", - деп хабарлады баспасөз қызметіндегілер.

Айта кетейік, ұсталған екі ер адам Жамбыл облысы Қордай ауданының тұрғындары, олар қазір қамауда отыр. Бұл дерекке қатысты ҚР ҚК 296-бабы бойынша сотқа дейінгі тергеу басталды.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай