Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.70
EUR / KZT - 389.99
CNY / KZT - 49.72
RUB / KZT - 5.59

Алматыда "Хизб-ут-Тахрир" ұйымының мүшесі сотталды

20 Ақпан 2015, 15:08
0
©Tengrinews.kz мұрағатынан
©Tengrinews.kz мұрағатынан

Алматыда "Хизб-ут-Тахрир" исламшыл ұйымының мүшесі сотталды, - деп хабарлайды Tengrinews.kz тілшісі қалалық соттың баспасөз қызметіне сілтеме жасап. Түрксіб аудандық соты ұсталған Құлтановты ҚР Қылмыстық кодексінің 405-бабы 2-бөлігіне сәйкес айыпты деп танып, бір жылға бас бостандығынан айыру жазасын кесті. Ол жазасын қоныс колониясында өтейді. 

Баспасөз қызметінің мәліметінше, полиция қызметкерлері жедел-іздестіру шарасы барысында Құлтановты Майлин көшесінде қолға түсірді. Одан Қазақстан заңымен тыйым салынған "Хизб-ут-Тахрир" діни экстремистік партиясына қатысты түрлі діни кітаптар, үнпарақ пен бейнежазбалар табылып, тәркіленді, сотталған азамат кінәсін толық мойындады.

"Сотталушы Құлтанов өзіне тағылған айып бойынша кінәсін толық мойындады. "Хизб-ут-Тахрир" діни ұйымына мүше болған ол өзін "қандай да бір діни араздықты қоздыруға бағытталған әрекеттер жасадым" деп санамайды. Полиция қызметкерлері ұстаған кезде ол өзін дінді халыққа таза жолмен үгіттеуші ретінде көрсетіп, алынған діни тұрғыдағы әдебиеттердің қайдан алынғанын білмеймін деп мойындамады", - делінген хабарламада.

Айта кетейік, бүкіл әлемде діни мемлекет құруды мақсат ететін ұйымның қызметіне көптеген ел тыйым салған. Ал Ресейдің жоғарғы соты ұйымның қызметін "лаңкестік" деп таныған. 


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай