Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

Алматыда қарумен ұсталғандардың біреуі ғана қамалды

07 Сәуір 2014, 20:01
0
©СТВ
©СТВ
©СТВ
©СТВ

Алматылық полицейлер қала көшелерімен қару алып жүрген Nissan Cefiro автокөлігінің төрт жолаушысын босатып жіберді, - деп хабарлайды Tengrinews.kz тілшісі қалалық ішкі істер департаментінің баспасөз қызметіне сілтеме жасап. Ал көліктің 1988 жылғы жүргізушісі уақытша ұстау изоляторына қамалды.

Құқық қорғау органдарының мәліметінше, күдіктілер қаруды қайдан алғанын түсіндіріп бере алмаған. "Ол тек барлық қаруды жуырда тауып алғанын, жүксалғышына салып алып, кейін полицияға тапсыруды жоспарлағанын айтты", - дейді ІДД мамандары. Көлік жүргізушісінің үстінен қаруды заңсыз сақтау дерегі бойынша қылмыстық іс қозғалды. Оның кінәсі дәлелденсе, бес жылға дейін бас бостандығынан айыру жазасы берілуі мүмкін. Полицейлердің мәліметінше, қазір қарудың қолданылған-қолданылмағаны анықталып жатыр. Тәртіп сақшылары көлікті тоқтатып, құжаттарын тексермек болған. Сол кезде көліктен "Сайга" карабині мен үш травматикалық тапанша кездейсоқ табылды. 

Еске салайық, Nissan Cefiro көлігін мінген бес адамды полицейлер 6 сәуір күні ұстаған болатын. Алғашқыда көлікте "Калашников" автоматы мен оқ толы қорабы бар үш тапанша табылғаны айтылған еді. Полицияның мәліметінше, әуелі оқиға орнында 15-20 адамнан тұратын топ болған, кейін көбі қашып кетіп, бесеуі қолға түсті. Ұсталғандар бұрын сотталмаған. 

 

 


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай