1. Басты
  2. Біл
  3. Оқиға
  4. Қылмыс

Алматылық әйелден ірі көлемдегі "героин" тәркіленді10 сәуір 2017, 13:43

© stopnark.ru © stopnark.ru

Алматыда "Тексерістік сатып алу" тәсілі қолданылған арнайы операция кезінде  ҚР ІІМ-нің қызметкерлері алматылық әйелден есірткінің ірі партиясын тәркіледі, - деп хабарлайды Tengrinews.kz тілшісі қалалық прокуратураның баспасөз қызметіне сілтеме жасап. 

"Тәркіленген "Героин" есірткісінің салмағы - 3,7 келі, бұл есірткілер психотропты заттар мен олардың аналогтарының кестесі бойынша аса ірі көлем болып саналады", - делінген хабарламада. 

Алматының Әуезов ауданы сотының үкімімен әйел қамауға алынды. "Құқық қорғау органдарының нәтижелі жұмысының арқасында есірткі пайдаланушылар қолына 185 000 мөлшер жетпеді", - дейді прокуратура өкілдері.